From Rapunzel to Dracula – Outdoor Drama at Carew Castle
This is a bilingual message. Please scroll down for the English version.
Caeriw yn paratoi am haf hudolus o ddrama awyr agored
Bydd y theatr awyr agored yn dychwelyd i Gastell Caeriw yr haf hwn, a bydd pedwar perfformiad cyffrous yn cael eu cynnal yn atyniad Awdurdod Parc Cenedlaethol Arfordir Penfro.
Bydd y rhaglen eleni yn dechrau nos Mawrth 26 Gorffennaf gyda Jane Eyre, sy’n ymgorffori straeon cariad Fictoraidd i’r dim. Mae’r addasiad clasurol hwn wedi’i leoli yn y waun wyntog, ac mae’n cynnig gwledd i bawb sy’n hoffi rhamant dywyll Brontë. Bydd y drysau’n agor am 6pm a bydd y sioe’n dechrau am 7pm.
Ym mis Awst, bydd dau gynhyrchiad i blant yn y lleoliad hyfryd hwn.
Mae Rapunzel – A Tangled Musical yn addasiad cerddorol newydd sbon i’r teulu cyfan o’r stori tylwyth teg glasurol. Mae’n addas i blant 4 oed a hŷn, gyda digonedd o hud a lledrith, miri a chyfle i gwrdd â’r cymeriadau ar ôl y sioe. Bydd yr antur hon yn cael ei chynnal ddydd Mawrth 9 Awst am 5.30pm, gyda’r drysau’n agor am 4.45pm.
Ddydd Mawrth 23 Awst, bydd Awful Auntie David Walliams yn disgleirio ar lwyfan Caeriw. Yn seiliedig ar seithfed llyfr yr awdur poblogaidd i blant, mae Awful Auntie yn adrodd hanes Stella Saxby, sy’n cael ei phoenydio gan ei Modryb Alberta a’i thylluan enfawr. Mae’r ddau ddieflig yn benderfynol o gymryd ei hetifeddiaeth oddi wrthi, a mae’r cynhyrchiad yn siŵr o godi gwên. Mae’r perfformiad yn addas i’r rheini sydd dros 7 oed, mae’r drysau’n agor am 5.45pm ac mae’r sioe’n dechrau am 6.30pm.
Dracula fydd perfformiad olaf y tymor nos Sadwrn 3 Medi. Yn yr addasiad newydd sbon hwn o arswyd gothig clasurol Bram Stoker gan British Touring Shakespeare, mae’r Athro Abraham Van Helsing, arbenigwr yn yr goruwchnaturiol, yn cyflwyno ei achos mwyaf dychrynllyd eto, ar ôl cael ei alw i helpu menyw ifanc sy’n mynd yn sâl yn anesboniadwy yn ystod taith i Whitby. Mae’r ddrama hon yn cynnwys themâu i oedolion a allai fod yn anaddas i aelodau iau o’r gynulleidfa, felly cynghorir rhieni i ddewis a yw’n addas i’w plant ai peidio. Bydd y drysau’n agor am 4.45pm, a’r sioe yn dechrau am 5.30pm.
Rhaid archebu lle ar gyfer pob perfformiad.
Dywedodd Daisy Hughes, Rheolwr Castell a Melin Heli Caeriw: “Mae ein perfformiadau theatr awyr agored wedi bod yn boblogaidd dros ben dros y blynyddoedd diwethaf, felly byddem yn argymell eich bod yn archebu’n gynnar er mwyn osgoi cael eich siomi.
“Nid oes posib cael arian yn ôl am y tocynnau a bydd y perfformiadau’n cael eu cynnal mewn tywydd gwlyb. Bydd angen i’r rheini sy’n dod i unrhyw un o’r digwyddiadau ddod â charthen neu gadair â chefn isel i eistedd arni, picnic a dillad addas i sicrhau eu bod yn gyfforddus am noson bleserus.”
Cost tocynnau ar gyfer pob digwyddiad yw £15 i oedolion, £12.50 gyda gostyngiad, £10 i blant a £46 i deulu o bedwar (dau oedolyn a dau o blant).
Gellir archebu tocynnau ar gyfer Jane Eyre drwy ffonio 01646 651782. Gellir archebu tocynnau ar gyfer pob sioe arall drwy fynd i www.carewcastle.com.
Mae’r Castell a’r Felin Heli yn agored bob dydd gydol yr haf o 10am-4.30pm (mynediad olaf am 4pm), gyda’r Ystafell De Nest yn gweini cinio ysgafn, lluniaeth a chacennau cartref.
I gael rhagor o wybodaeth am ddigwyddiadau ym Mharc Cenedlaethol Arfordir Penfro, ewch i www.arfordirpenfro.cymru/digwyddiadau.
Open air theatre will return to Carew Castle this summer, with four exciting performances scheduled to take place.
This year’s programme begins on Tuesday 26 July with Jane Eyre. This classic adaptation promises a treat for lovers of Brontë’s dark romance. Doors open at 6pm and the show will begin at 7pm.
August will see the performance of two children’s productions.
Rapunzel – A Tangled Musical is a brand-new family musical adaptation of the classic fairy tale. Suitable for ages four-plus, with an abundance of magic, mayhem and a chance to meet characters after the show, this hair-raising adventure will take place on Tuesday 9 August at 5.30pm, doors open 4.45pm.
On Tuesday 23 August, David Walliams’ Awful Auntie will grace Carew’s stage. It’s recommended for those aged seven-plus, doors open 5.45pm and the show starts 6.30pm.
The final performance of the season will be Dracula on Saturday 3 September, a new adaptation of the Bram Stoker classic by British Touring Shakespeare. This play is said to contain “adult themes which may be unsuitable for younger audience members, so parental discretion is advised”. Doors open 4.45pm and the show starts 5.30pm.
Booking is essential for all performances.
Carew Castle and Tidal Mill manager Daisy Hughes said: “Our open-air theatre performances haven proven extremely popular over recent years, so we would recommend booking early to avoid disappointment. Tickets are non-refundable and the performances will go ahead in wet weather. Those attending any of the events will need to bring a rug or low-backed chair to sit on, a picnic and suitable clothing to ensure they’re settled in for an enjoyable evening.”
Tickets for all events are £15 for adults, £12.50 for concessions, £10 for children, and £46 for a family of four (two adults and two children).
Tickets for Jane Eyre can be booked by phoning 01646 651782. All other shows can be booked by visiting www.carewcastle.com.
